شعر كنك مديني ولا ادري وش الدين

والله وجالك قلب وتغيب شهرين
يعني بخيالك بالغلط ماصدفتك..؟
وانت تعرفني زين لو غبت يومين
اخاف انام واحلم ولاشـــــــــــفتك
يعني سكنت العين هذي وهالعين
واحسب اني مقصر ولانصفتك
كنك مديني ولا ادري وش الدين.؟
وكني بعد هالعمر ماعـــــــرفتك
اشتاق لك ماهوب شوق المحبين
لو انك تسابقني الشوق طفــــــتك
اشتاق لك بكره وقبل امس والحين
ياللي مع كل عرق ينبض اضفتك
شوصف غلاك وشلون ابداك ومن وين...؟
وانا لو وصفتك لاحشى ماوصفتك
يالسكر المخلوط بالـــــــتوت والتين
يا اصفى عسل صافي بعد مارشفتك
تدري وش احسن شي فيني ووش الزين..؟
اني من ( ورود ) الصبـايـا قطفــــــتك
وتدري وش اسوأ شي فيني ووش الشين..؟
انــي بعد كـل هـ الــــــسنين .. اكتشفتك
ايه اكتشفت انك تبي البـــــعد والبين
بالعربي تـــــــبي تفارق وتـــــــــفتك
صدقني بــــــــتندم مو هالــيوم بعدين
لما تلاقــــــــــيني بمكـــــان وصدفتك!!
تجي تبي تسلم ســــــــــــلام المحبين
واقول لك ..عفوا.. منو ماعــــــــرفتك